Dzisioj to pódzie roz-dwa.

Ło nowych przigodach kómisorza Hanusika pisoł żech Wóm łostatnio tukej, beztóż dzisioj niy byda sie dublowoł, ino zarozki idymy na to, co nojważniyjsze.

Jak wjycie, Silesia Progress przisłała mi dwa ygzymplorze nojnowszyj knigi Marcina Melóna, kiere mogliście na Bojkoblogu wygrać. Pytanie kónkursowe bóło takie: jaki jes Wasz ulubióny detektyw?

Mógła to być postać ze knig, mógła być ze filmów, kómiksów - co kómu tam spasowało. Ło jedno żech ino Wos prosił - cobyście niy szkryflali, że to Hanusik :) Jo wjym, że łón rzóndzi, wymioto i w ogóle rulez, ale w mailu kogo inkszego żeście mieli podać.

No i żeście napropónowali tych detektywów i detektywek wiela ino szło. Jeszcze żech tyla maili co łostatnio na kónkursy Bojkobloga niy dostoł. Dziynki! A terozki już pisza Wóm wto wygroł. Sóm to:

Małgorzata Ferfecka ze Skoczowa i Jarosław Bylina z Lublina

Gratuluja, knigi jeszcze dzisioj zaniesa do wysłanio! :)