Do wygranio bóły fajniste knigi Janoscha!

Niydowno pisoł żech Wóm sam ło nowyj knidze dlo bajtlów autorstwa Janoscha, a potym mioł żech dló Wos czi jego ksiónżeczki.

Jedna to "Panama", drugo to "Miś i Tygrysek idóm do szkoły", a czecio to ta, co jóm już znocie - "Miś, Tygrysek i nowe przijaciele".

Wszyskie je, w pjyknyj szacie graficznyj, wydoł ZNAK, a jo miołek je dlo Wos na kónkurs.

Pytanie kónkursowe bóło takie: jak sie nazywo nojsłynniyjszo, napisano dlo dorosłych, powjyść Janoscha?

Podpowjadoł żech tyż, że scyniczno inscynizacjo tyj knigi do dzisiej idzie łobejrzeć w katowickim tyjatrze Korez, a za jyj kinowo ykranizacjo chcioł sie swego czasu brać sóm Kazimierz Kutz.

Szło ło kniga "Cholónek czyli dobry Pón Bóg z gliny" (jyj recynzjo mocie tukej), a po ksióńżeczce Janoscha dostowajóm:

Danuta Pawela z Rybnika, Magdalena Bryłka z Warszawy i Kamila Czok z Krakowa

Gratuluja i już leca do magazynu zaniyś te knigi, coby je Wóm roz-dwa nasze chopcy łod wysyłek posłali do dóm.