Paczoł żech w łikynd na SAVING MR. BANKS - film, w kierym Tom Hanks (Tóm Hynks) gro Walta Disneya.

W polskim tumaczyniu godo tam na przikłod tak: "My bajarze tym się zajmujemy. Porządkujemy fantazje. Przywracamy nadzieję. Ciągle od nowa".

We łorginale to jes tak: “That's what we storytellers do. We restore order with imagination. We instill hope again and again and again".

Tak, abo tak, idzie ło terapeutyczno funkcja bojki (baśni). Ło to, że łopowieści lyczóm, jak godo Christopher Vogler we knidze PODRÓŻ AUTORA.

Kiedyś już polecołek jij kóncek na Bojkoblogu, ale dzisioj poleca go roz jeszcze (i cołko kiniga tyż). Sam sie móżecie poczytać ło katharsis kómedii.

***

Drugo rzec, to nowo produkcjo, kiero zapowiado Czesko Telewizjo na jesiyń. Bydóm to NEVIDITELNI - syrial ło utopcach!

Ale niy takich zielónych, jakie znómy z bojek, abo jakie możecie sie łobejrzeć w jednyj wiarowyj galerie (mocie jóm tukej). "Na czechach" tym razym bydzie ło utopcach XXI wieku!

Ciekawe, że Marcin Melón, autor KÓMISORZA HANUSIKA (pjyrszygo kryminału naszkryflanego po ślónsku) wpod niydowno na podobny pómys i tyż uwspółcześnił nóm w swoij knidze utopców, skarbników i inksze połednice.

Widać te same idee krónżóm nad Ślónskiym, Slezskiym, Morawóm i Czeskiym. Durch je to jedyn kulturowy króng.

"Żywe spoiwo łączy Górnoślązaków, Czechów, Morawian" - dowodzi Zbigniyw Kadubek w PEJZOŻU Z NEPOMUKIYM. Przeczytejcie sie jego tekst (pisany polszczyznóm) kóniecznie. Jes sam

A i zwaistun NEVIDITELNYCH polecóm. Jo już na to czekóm!