Swego czasu dowiedziałach sie, że jakoś znajomo mojij koleżanki stwierdziła, że jo to chyba chodza do gimnazjum. Tako "drobno" pomyłka - o jakiś 10 lot... Ale dzisio to już szczyt pomyłek. A było tak:

Jada se na rolkach, osiedlowom drogom - żeby nie było, na osiedlu jest strefa i piesi majom piyrszyństwo! Zbliżom sie do skrziżowanio, wiec zwalniom, bo na dodatek za mnom jeszcze jakiś auto jechało... Zjeżdżom na bok, tak fest, jak sie do, szoruja butem po krawężniku chodnika... A to auto staje po mojij lewej, jakieś 10-15 cm - szyba pasażera opuszczono, w aucie chłop (za kierownicą) i baba. I słysza, jak sie chłop drze: "Nie masz gówniarzu gdzie jeździć?!" Rozglondom sie, kto to na kogo ryczy i słysza, jak ta kobita godo: "Dziecko, nie po drodze..." I pojechali.

Okozało sie, że to do mie teksty były! :D

Piyknie, piyknie.