Ostatnio jakoś kilka spraw mi sie na łeb zwaliło. I nawet żech niy miała chwili, coby nad nimi siednyć i pomysleć (nawet bardzo żech niy miała czasu, coby siednyć...). A jak przichodzi taki czas, że już niy można tego wszyskigo dłużyj odkłodać, trza sie tymu poddać.

No i dziś prziszło. Dobrze, że dzisio, bo chłodnij było od rana i mogłach sie wyżyć w kuchni.

Wiadomo - nojlepij sie rozważo przi warzyniu ;)

Efekt - odzwiyrciedloł mój stan umysłu. Totalne pomieszaniy wszyskigo ;)

1. Tortilla / kebab (a raczej żadne z powyższych) na włosko modła! Krótko: ciynki placki, w nich zawinynte sałata, kawałki kurczaka, pomidor, ogórek, papryka, sos czosnkowy, mozzarella - zapieczone w piekarniku. Pochwola sie - pycha! (Smakowało nawet moimu Bratu, co już je sporym osiągniyńcim).

2. Paluszki serowe z makiem - skoro niy moga słodkigo, a chciało mi sie coś upiyc, wyszło coś na słono. Po 200 g masła, mąki i tartego sera, sól, oregano....Banalne, ale dobre. Bydzie super do jakijś zupy-krem.

3. Deser musi być - lody bardzo owocowe. Chyba ostatnie truskawki - zmiksowane, do tego jogurt, śmiytonka, miód... Na razie sie mrożom, łobejrzymy ;)

No.

Obiod sie udoł.

Sprzontani we łbie - na szczyńści - też.