Wilczek szkryflo coś ło szczynściu. A mie sie to fest podobo, bo łostatnio jakoś kole mie sie nazbjyrało takich roztomańtych pieronów, kierzy nic, ino marudzom. A godać kożdymu, że mo sie zastanowić, za co mógłby podziynkować, to jo już niy mom siły.

Sesja cudów trwo i ciyngiem mie zadziwjo. Ale może tak mo być? Może niy musza wszyskigo rozumieć. Ale człowiek to już je taki gupi, że wszystko by chcioł już. A tu trza zetrwać trocha.

A wczora trefiło sie nom coś fest pjyknego, ale i dziwnego. Idąc ulicom spotkalimy naszego znajomego, kiery w zeszłym miesioncu zostoł ksiyndzem.  I godomy Mu, że sie zgłoszymy po błogosławieństwo . A łon na to, że nie bydymy go szukać po diecezji i tak nom na środku chodnika pobłogosławił. :)

Panie Boże, Ty to wszysko widzisz... Ty też mosz ta czelotka :D