Jak żech se łobejrzała, wiela czasu mie tu nie było, to aż mi sie gańba zrobiło...  Tak fest, że sie aż nie byda tłumaczyć... Ani egzaminami, ani tym, że mi cołkiym czasu brakuje.

Dobre wieści - egzaminy pozdowane, moga dalij studiować bez warunków, poprawek, dziekanek i tego cołkigo ambarasu.

Teroz chciałabych se trocha dychnońć, ale ni mom na to czasu... Już mom kilka testów zawalonych, zbliżajom sie kolejne... Aż mi się odechciywo.

Ale!

Nie byda narzekać, bo chocioż z punktu "naukowego" nie idzie mi teroz nojlepij, to w innych punktach -jest mi dobrze.

A dokładnij - jest Nom razym dobrze.

Ani żech sie nie spodziywała, że mie kiedyś coś takigo spotko... Nie wjym, chto mi Go wyrzykoł, ale musioł sie fest dobijać do Nieba, że aż tela wyrzykoł.

Wjync i jo powinna rzykać za tego, kiery tak ło mie pamjyntoł... A że nie wjym, chto to był, to byda rzykać za wszystkich. Tak bydzie nojsprawiedliwiej. ;)