Pjyrszy dziyń w "szkole". Pjyrsze zajyncia z samego rana, o łósmej. Greka. I zaroz czytomy Ewangelia w oryginale, odmieniomy zaimki, imiesłowy i inne pierdoły. Za tydziyń kolokwium.

Ale nie narzekom. Nie byda.

To bydzie pjykny czas, tyn nowy rok. Bydzie ciynżko, ale nikt nie godoł, coby miało być inacyj.

Cokolwiek sie wydarzy, bydzie łod Niego. I bydzie Dobre.

***

Tak po prowdzie dziyń sie zaczon w Kaplicy WTL. Kaplica je pod wezwanim św. Tereski od Dzieciątka Jezus, a dziś przeca Jej wspomnienie. To je trocha i moji śwynto, bo mom Tereske za patronke. I to nie ino ze wzglyndu na imie. Łona je Doktorem Kościoła, chocioż nie napisała żodnych rubych teologicznych traktatów. Przede wszystkim była śwjynto. I w tym Ją chca naśladować.