Najwykszym problym ze szkryflanim sprawio mi pisownia. Wjym, że je kilka sposobów zapisywanio ślonskij godki (ale że aż tyle, co tukej  podali, to żech ani nie myślała... ). Kożdy mo swoi plusy i minusy. Ino że do wjynkszości z nich trzeba jakomś specjalnom czcionke z kreskami, kropkami i Ponboczek jeden wjy, z czym tam jeszcze. A zapisywać to fonetycznie... Toć to cało melodyjność sie traci. Ale też styknie konsek przejechać - choby z Wodzisławia do Pszczyny -  i już ta godka je inkszo... I być tu mondry...

Ni ma sie co starać o pierdoły. Byda pisać tak, jak słysza. Bo i po naszymu sie godo, a ni szkryflo poematy :)