Grudziyń, jak to grudziyń

Piotr

dodane 2018-12-03 08:00

Cza sie jako kniga na śwjynta kupić, pra? :)

Na gyszynki/prezynty tyż co upolować, beztóż do ksiyngarni lotóm jeszcze czyńścij niż innych miesióncach roku.

Legyndy, bojki, baśnie... - niy wjym, czy to niy jes tyn gatunek, kiery na Dzieciótko robi nojwiynkszo furrora. Wto by niy chcioł (abo chcocioż roz w życiu niy dostoł) pod choinka, abo na Mikołoja jakij knigi Grimmów, czy Andersyna. W tym roku tyż widza, że klasyka "idzie", bo do kieryj ksiyngrnie niy wleza, przedowacki ekspónujóm bojki z malunkami Manueli Adreani. Znocie?

Fórmaty "jyj" knig sóm wielgie, ilustracje nojczyńścij mroczne i posympne, a wszyskie te Alicje z Krainy Czarów, Małe Prince i Pinokia wyglódajóm na nich choby ućykły z galerii ze sztukóm spółczesnóm.

Ale jak sie tak w nie wpaczeć, abo porzóndnie w tych knigach posznupać, to idzie tyż trefić na łobrozki cieplyjsze, pogodniyjsze. Na przikłod różowo, syrynio laguna z "Piotrusia Pana", muszle z plaży na kieryj zacumowoł łokrynt Łodyseusza, abo same jabko w rynce Złyj Królowyj, kiero chce nim łotruć Śniyżka. Ja. Dytale Andreani malować umi. No i sóm te wszyskie knigi naprowdy pjyknie wydane (w Polsce publikuje je łoficyna Olesiejuk), tak że, aż chce sie je wsziskie skómpletować. Ino kaj je potym w dóma czimać? :)

Wjyncyj ło tych knigach poczytocie sie na blogu Kusiątka (na przikłod tukej), a jo jeszcze ino uzasadnia czymu wybrołek do zilustrowanio tego wpisu akurat łokładka z "Piotrusiym Panym". A bo spómniało mi sie, jak na przełómie '80 i '90 poszlimy z matkóm i siorkóm na torg na Starych Tychach i tam, na VHS-ie (pirackim, jakim innym),  Marika kupiła nóm roztómajte, ponagrywane bojki, w tym disney'owskigo "Piotrusia Pana" z 1953 r. 

To była chyba naszo pjyrszo kaseta ever. Pjyrszy film, kiery sie miało. Zaczóntek tyj durch powjynkszajóncyj sie kolekcji, kiero terozki pónczkuje już ino na DVD. 

Paczało sie ta bojka potym na łokróngło. Po sto abo i wjyncj razy. "Boy, you meant so much to me..." moga sie terzoki ponucić za Kula Shaker. Zresztóm Wy tyż możecie, bo ich klip wciepuja pod tekstym:  

 

N P W Ś C P S
30 31 1 2 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
3 4 5 6 7 8 9
Dzisiaj: 19.01.2019