Abo ruskie bojki.

Czy jo móm dó nich syntymynt? Myśla sie, że niy. Za bajtla czasym sie na nie paczało. Na te wszyskie łopowieści ło carywiczach, smokach-żmijach, szczupokach i inkszych Dziadkach Mrozach. Ale tak po prowdzie, to jo tam zawsze bardzij wolołek bojki czeskie (pohadki).

Ruskie zaczyły mi sie podoboć z czasym. Nojprzód na studiach, jak żech sie dowiedzioł ło teorii Władimira Proppa, wedug kieryj szło na ich podstawie ukłodać scynariusze (na przikłod filmowe), a potym już w robocie, na Wiara.pl, jak żech kajś wyczytoł, że Aleksandr Afanasjew dopaczoł sie w downych ruskich bojkach i baśniach ylymyntów mitycznych (pisoł, że skazki to nic inkszygo, jak słowiańskie mity, ino że trocha poprzestowiane. Trocha bardzij dostosowane do bajtlów).

Terozki zaś dó nich wracóm, a to skuli tego, że tak trocha, na własno rynka, ucza sie ruskigo. Łostatnio trefił żech nawet w necie na niyzłe video na tyn bojkowo-skazkowy tymat, bestóż wciepuja je Wóm póniżyj. Możecie sie je łobejrzeć z ruskimi abo angielskimi napisami. 

Fajnistego syansu! :)