Śwjynta do kolorowanio

dodane 11:53

Śwjynta, śwjyna, śwjynta! Wto z nos niy kocho tyj atmosfery...

No dobra, terozki mómy jeszcze Adwynt, ale tyż prowda jest tako, że kaj czowiek niy wejrzy, zarozki widzi betlyjki, gwiozdy bytlejymskie, aniołki, Dziecióntka, bómbki...

Tako jes tyż nowo publikacjo wydownictwa WAM. Biblijno (kreatywno!) kolorowanka + do tego - do wyciyńcio, poskłodanio i posklejanio - szopka, na kiero godómy na Ślónsku "betlyjka".

A to jeszcze niy wszysko, bo ta kolorowanka mo forma takigo mini-kómiksu, do kierego teksty napisoł sóm Wacław Oszajca SJ. 

W sumie fajnisto rzec: dlo bajtlów na Dziecióntko (czyli pod choinka) w sóm roz.

Niby na łokładce pisze, że to do takich w wieku łod 2-5 lot, ale tak po prowdzie, to nojchyntnij sóm bych sie po tym poszkryfloł i pokolorowoł. No ale zaś taki pierón niy byda i tyn mój, tzw. ygzymplorz rycynzyncki, dóm jednymu bajtlowi na Dzieciótko.

*

Miołek do Wos 3 ygzymplorze "Bożego Narodzynio". Tym razym cza było napisać, co nojbardzij lubicie w Śwjynta. Nagrody dostowajóm:

Aneta Badura ze Skawiny, Marta Bojdoł z Tychów i Agniyszka Sójka z mjyscowości Łuków

Gratuluja, kolorowanki jeszcze dzisioj poślymy Wóm pocztóm. A że dzisioj mómy śwjyntego Mikołojo, to łod niego kożdy z Wos dostowo tyż, dodatkowo, kubek. Taki patrón to ja. Pra? :)

nd pn wt śr cz pt sb

25

26

27

28

29

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

1

2

3

4

5

6

Dzisiaj: 29.03.2024