Legyndy Łorjyntu, azjatyckie wojowniki, cysorze, bogi...

Mocie radzi takie klimaty? Jak ja, to polecóm fajno ksiónżka, w kieryj to wszysko znojdziecie.

Nazywo sie łóna "Królowie Dary", a napisoł jóm Ken Liu - znany amerykański autor knig i łopowiadań z gatunku science-fictión i fantasy.

Co Wóm byda sam wjyncyj ło tyj knidze pisoł. Chobych niy wjym jak sie staroł i tak niy przebija ymocji i ykscytacji, jakie łobudziły sie po lekturze w znanyj booktuberce Anicie. Beztóż póniżyj wciepuja Wóm jyj video, na kierym jaro sie tóm powieścióm niymożebnie (łobejrzijcie sie je kóniecznie!), a jo już łogłaszóm wynik mini-kónkursu, w kierym do wygranio był ygzymplorz knigi "Królowie Dary", wydanyj przez łoficyna SQN.

Zadanie kónkursowe było takie: mieliście mi napisać wto jes Waszym ulubiónym bohatyrym (abo) bohaterkóm z azjatyckij bojki. Godżilla, Tsubasa Ozora, Yamato „Matt” Ishida, ksiynżniczka Mononoke... - łodpowiedzi były roztómajte, a nagroda dostowo:

Mieczysław Pyrek z Brzegu Dolnego

Gratuluja, nagroda jeszcze dzisioj zaniesa do naszego portalowego działu wysyłki.