Abo zachynta do szlifowanio angiylskigo.

Cosik mie łostatnio wziyło na Slavoja Żiżka. Durch go pacza na Youtube, chichróm sie z tego, co fulo abo jak charyzmatycznie wywijo łapami.  

No jes to chop niytuzinkowy. Czasym godo móndrze, czasym sie z nim niy zgodzóm, ale to, jak umi paczeć na roztómajte zjawiska i interpretować je na nowo, naprowdy robi na mie wrażynie.

Heh, dyć łón i wice i bojki umi tak łointerpretować, że za chwila może podować je za przikłod w swoich wykłodach abo knigach.

Póniżyj mocie video z jego wypowiedzióm na tymat bojki "Kung Fu Panda", śwjyntego Mikołoja i kóńskich podkowów, co to niby majóm przinosic nóm szczyńście :)

A że godo sam po angiylsku, to mocie tyż łod razu pretekst, coby tyn jynzyk trocha podszlifować, pra?