Po co nóm te pierzińskie muchy i kopruchy? I jak to jes, że kot, abo pies zawsze wyczujóm dobrego czowieka?

Zastanaowio sie nad tym nojsłynniyjszy polski benedyktyn, łojciec León Knabit. Tym razym ale jego przemyślynia znodły sie w małyj ksiónżeczce do dzieci wydanyj przez Esprit.

Wto by sie spodziywoł, że łojciec León naroz bydzie dó nos jak sóm śwjynty Franciszek. A trocha taki jes w "Dlaczego żyrafa ma długą szyję?". Godo sam ło stworzyniu świota, ło swoich przigodach w Tatrach, ło wieprzkach, ptokach i inkszych zwjyrzokach.

Wjycie, ta kniga jes do naprowdy małych dzieci, abo do takich co dopiyro zaczynajóm uczyć sie czytać. I wjyncyj sam malunków, rysunków i ilustracji niż samego tekstu.

Ale i takie ksiónżeczki, co to w sumie ani 40 strón niy majóm, majóm swój urok.

Bezto Wóm jóm polecóm, no a tym co jóm w bojkoblogowym kónkursie wygrali, gratuluja :)

Tym razym pytołek sie, ło łojca Leóna Knabita (z jakim zakónym jes zwiónzany?). Szło, jak wiadómo ło benedyktynów, a nagrody dostowajóm:

Anna Korus z Dębicy, Małgorzata Drągowska z Augustowa i Mirosław Drągowski ze Szczuczyna

Roz jeszcze gratuluja. Nagrody wyślymy Wóm pocztóm.