Już w sobota prymiera!

U nos w Katowicach, w tyatrze Ateneum, 2 kwietnia, czeko nos wielko prymiera. Pjyrszy roz bydzie szło łobejrzeć bojka "O Wełence, Kłębuszku, miłości i przeznaczeniu".

Sztuka ta jes inspirowano tekstym "Apolejka i jej osiołek" Marii Krüger i nadowo sie raczyj do modszych bajtlów. To tako połno wdziynku, śmjyszno i pogodno historia ło miłości.

Królewna Wełynka i Królewicz Kłymbuszek jeszcze sie niy znajóm, ale my już wjymy, że sóm do siebie stworzyni. A łóni zaś liczóm na to, że miłoś nado ich życiu syns. Że jak bydóm razym, to bydzie im lepij.

Łóna czeko we wieży, a łón szuko jyj po cołkim świecie, chocioż tyn świot to tak naprowdy... małe miasteczko :)

Ale jak to w bojkach bywo, miasteczko niy jes zaś takie cołkiym zwyczajne i ajnfachowe. Jes w nim na przikłod zaczarowano studnia. Jes jabłóń z łowocami ło magicznyj mocy. A jedyn z bohatyrów zamjyni sie nawet w łosła!

No ale na kóńcu wszisko i tak bydzie dobrze. Princ (dziynki przóndce Losu) znojdzie dróga do swoij ukochanyj, a miłoś zrobi wjynksze cuda, niż wszyskie baśniowe czary razym wziynte :)

Fajne sóm tyż leko swingujónce piosynki, kierych w tyj sztuce trocha jes. Jak wyleziecie z tyatru, na sto procynt bydziecie sie ju nucić.

Ryżyserym jes sam Janusz Ryl-Krystianowski, a w rolach głównych wystómpióm Katarzyna Prudło i Grzegorz Eckert.

Wjyncyj ło twórcach (już po polsku) przeczytocie tukej, a autorym zdjyńcia, kiere sam widzicie jes Tomasz Zakrzewski.