Gra "Dawid"

dodane 10:46

Tego my na Bojkoblogu chyba jeszcze niy mieli.

Napisza Wóm ło grze, w kiero pora razy juz żech groł z małóm, a i mały (nómyn-ómyn Dawidek), tyż już roz, razym z nami, przi kómpie siedzioł i zaglóndoł zaciykawióny, w co my to tam tyż ciupiymy...

A ciupali my w DAWIDA, kierego wydała Edycjo Świyntego Pawła - fajnisto, animówano gra, kiero bardzo przipómino bojka dlo bajtlów.

Zadania mómy proste (chytómy na przikłod jakesi łowce, muszymy je potym łoszczidz itp.), a wszysko po to, coby łoswoic dziecko z biblijnym świotym. Pokozać mu, jak to tam wtedy mniyj-wjyncyj wyglóndało, jak sie te ludzie łoblykały, kaj żyły...

Trocha to podobne do NOEGO, kiery na naszym rynku tyż pokozoł sie dziynki tymu samymu wydownictwu.

Zresztóm, co Wóm byda sam szkryfloł i szkryfloł. Na dole notki wciepna Wóm video z Youtuba z kónckami z gry NOE i sie łobejrzycie sami. A jak Wóm sie spodobo, to może skusicie sie tyż na DAWIDA.

Jo miołek dlo Wos 3 ygzymloprze tyj gry (i dołónczónyj dó nij ksiónżeczki). Stykło, żebyście mi naszkryflali, że śwjynty Dawid to patrón Walii. Nagrody dostowajóm nastympujónce łosoby:

Marzena Jaroszek z Wodzisławia, Magdalena Jażdżyk z Goworowa  i Weronika Gorzkowska z mjyscowości Zabierzów

Gratuluja. Jeszcze dzisioj zaniesa to chopcóm do wysyłki, ale wjycie jak to jes. Poczciorze majóm terozki roboty w pieróny, to niy gwarantuja, że przidzie to do Wos do dóm jeszcze przed śwjyntami.

No a tak w ogóle, to wjycie co, pra? Wesołych!

 

nd pn wt śr cz pt sb

25

26

27

28

29

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

1

2

3

4

5

6

Dzisiaj: 28.03.2024