Tego jeszcze na Bojkoblogu niy bóło. Dzisioj naszkryflóm Wóm sam ło knidze, kieryj - póki co - ...niy ma.

Idzie ło MIA ZIYMIANKA - przigodowo kniga dlo bajtlów, kiero mo zaznajómić dziecka z wielgimi ryligiami. 

Na portalu polakpotrafi.pl zbiyrajóm na nia pinióndze. Może im sie udo. Jo tam za nich czimia, bo myśla sie, że to fajnisty pómys.

Zamias gupich styreotypów na tymat inkszych ryligii, bajtle dostanóm porzóndno ksiónżka, w kieryj wytumaczy im sie, co to je tyn cołki islam, buddyzm, hinduizm... Bydóm w nij tyż rozdziały ło krześcijaństwie.

Łod kiedy prowadza na Wiara.pl syrwis www.religie.wiara.pl, wjym że tako publikacjo jes poczebno. A tukej jeszcze zaczyno sie łóna jak klasyczno bojka, bo tytułowo bohatyrka traci szczewik (choby Kopciuszek) i terozki czeba go znalyź, w czym pómogo ji miyndzy inkszymi różowy flaming Flow (gizd, kiery kocho przigody i niczego sie niy boi).

Wjyncyj ło tym cołkim projekcie dowjycie sie tukej, a jo na kóniec wciepuja Wóm video, w kierym dwie ykspertki pedzóm Wóm wszisko, co ino poczebujecie wiedziecie ło Miji Ziymiance :)