Abo słowiański Sindbad.

Łostatnio u mie szał na słowiańskie klimaty, bezto sie myśla, że jeszcze pocióngnymy trocha tukej, na Bojkoblogu, ta tymatyka.

Dzisioj spómna Wóm ło bohatyrze staroruskich bylin, pierzińsko bogatym kupcu i podróżniku, kiery zawyndrowoł nawet do podwodnego królestwa Cara Morza.

Ha! Jes łó nim na przikłod i łopera (łopera-bylina) kiero w XIX wieku skómponowoł (na podstawie poymatu Puszkina) Nikołaj Rimski-Korsakow.

Rusałki, syryny, kupce z Indii, czi złote ryby, wyrobiajóncy na dnie łoceanu Car Morza, kiery, jak tańcuje, to robi sztormy i tym samym topi łokrynty... - no czego sam niy ma?

Dwanoście lot Sadko po świecie pływoł. Flota 21 statków mioł! Przigód i skarbów niyzliczónych sie doczekoł.

Ilja Riepin słynny łobroz mu namalowoł ("Sadko w podwodnym królestwie" sie nazywo i to te malowidło robi sam za ilustracjo).

Posznupejcie sie za tym Sadkiym co (na necie na przikłod, abo w knigach z ruskimi bojkami) - naprowdy, dló mie to chyba bydzie łodkrycie tego miesiónca.

A tukej mocie jeszcze kóncek spómnianyj na poczóntku łopery. Dzisioj na kóniec trocha pomelómaniymy :)