Znocie tyn gatunek?

Nojbardzij znany jest chyba syrialowy "Droopy, superdetektyw", abo półanimówany film ło tym, wto wrobił Królika Rogera.

Łostatnio spómnioł żech sie łó nim, bo sioszczyniec gupieje na punkcie Złómka, a w jednyj z jego przigód przenoszymy sie w ryalia świota noir.

Prywatny detektyw, pjykno i tajymniczo femme fatale, gangstery, chachory, mroczne miasto... Ino takie asy, jak Phillip Marlowe abo Sam Spade umióm sie dać sam rady. I dowajóm. Choby w takich filmach, jak "Sokół maltański" abo "Wielgi syn" - klasykach kina, do kierych czowiek mógby wracać nazot bez kóńca.

I jo tak wracóm. Roz sie to popacza po czesku, roz po angielsku, roz po niymiecku. I zaś i zaś i zaś... Może niy kożdego miesiónca, ale tak roz w roku? Czymu niy. Kanón cza znać. Cza go dobrze znać! :)

Bezto tyż zawdy sie ciesza, jak widza, że w roztómajtych bojkach twórce wciepujóm nawiónzania do kina noir abo robióm cołki łodcinek w takij kónwyncji.

"Złómek na tropie" jes tego nojlepszym przikładym. Mocie tam wszysko, co w takim "czornym" filmie być pówinno. Zresztóm łóbejrzijcie sie sami: