Kósmoszify, ufochopki i inksze roboty...

Jak wto jeszcze niy wjy, tak dowóm znać - w nowym portalowym kónkursie do wygranio mómy czi ygzymplarze suchowiska ASTRA 5, stworzónego w kónwyncji science-fiction.

Pisza łó nim tukej i gyneralnie zachyncóm :) bo przeca kożde CD dlo bajtlów, kiere wydało wydownicwo WARTO, worte bóło posuchanio. I to niy jedyn roz.

Przi łokazji spómniało mi sie ło roztómajtych ślónskich próbach "podboju" przeszczyni kósmicznyj.

Mieli my łostatni na przikłod krótki kómiks ło przigodach bergmónów (górników) Achima i Wilusia, kiery machli Tómasz Kontny i Artur Chochowski. W pdf-ie możecie sie go łobejrzeć sam.

Były i "Gwiezdne Wojny" po ślónsku, kiere na naszo godka przetumaczył Grzegorz Kulik. Pisoł ło tym swego czasu WPROST. Link do ich tekstu "'Kosmoszify ed rebelijantow atakujom...' - 'Gwiezdne Wojny' po śląsku" znojdziecie tukej.

Na kóniec jeszcze jedyn link. Tym razym do bloga OSCHL - tyż pisanego po ślónsku, kaj trefił żech łostatnio na notka "Jezus Chrystus z Hollywood". Tu sie jóm móżecie przeczytać, a jes ciekawo, bo ło dwóch s-f filmach: "Interstellarze" i "Grawitacyji".

Niych moc bydzie z Wami. Bożo moc! :)