Na Dzecióntko nojważniyjsze sóm gyszynki. U mje do wygraniu bóły 3 (słownie: czi) knigi NARODZINY JYZUSA, kiere wydało Vocatio.

Autorym tekstu jes sam Piotr Haraszewski. No, pómysłowo sie to wykóncypowoł. Zamias bowić sie w apokryfy, zaczół, łod... raju. Łod stworzynio, kuszynio, wygnanio Adama i Ywy.

Potym króciutko pisze tyż i ło ważniyjszych prorokach ze Starego Tystamyntu, a kóńczy u kożdego z nos w dóma, bo i ło choince tyż tukej trocha naszkryfloł.

Nojwjyncyj ale napisoł ło Dziecióntku. Ło Jego narodzyniu w betlyjce, Czech Królach, aniołach, pastyrzach...

Przi łokazji jes to tyż pjykno historio ło przijaźni z Bogiym (Pónbóczkiym). Ło tym, jako to wielko radoś być tak blisko Niego, a i mieć Biblio po rynkóm - tyn istny brif (list) miłości kochajóncego Łojca do swoich bajtli (dzieci).

Łosobno rzec to cudne ilustracje Zbigniywa Freusa. Co Wóm byda łó nich pisoł - łobejrzyjcie sie niykiere z nich sami. Sóm na przikłod tukej

W ksiónżeczce (mo 32 stróny) wyglóndajóm jeszcze lepij niż na necie, a sama ta kniga to tyż prowdziwo wydowniczo perełka.

Łokładka jes twardo, laminowano, ze złotymi tłoczyniami. Dó tego pómalowano jakimsi szpecjalnym, brokatowym lakierym. No idelany gyszynk (prezynt).

***

Pytanie kónkursowe bóło takie: jak sie po ślónsku godo na stajynka? Czechy na przikłod godajóm betlém, a Ślónzoki betlyjka. Nagrody dostowajóm:

Kamila Borucka z Tomaszowa Lubelskiego, Anna Kita z Sienna i Adam Józefiak z Łodzi

Gratuluja! Jeszcze dzisioj nasze chopcy łod wysyłek poślóm je Wóm do dóm. Pyrsk ludkowie! :)