Jak co roku, w Czechach na śwjynta polecóm w ichniyjszyj publicznyj telewizje praktycznie same bojki, na kiere łóni godajóm pohadki.

Bydzie jak zawsze kupa klasyki, powtórek, ale i czi prymiery.

Jo sie już ciesza (tv-plan na śwjynta już móm!) :) a Wóm wciepuja póniżyj zwiastuny tych filmów. Wyglóndajóm, tak jak majóm!

Czechónie niy łod dzisiej słynóm z tego, że sóm miszczami w kryncyniu roztómajtych baśniowych filmów. Pamjyntocie "Arabela"?

Za PRL-u tych czeskich produkcji trocha w polskij telewizje bóło. A terozki guzik (abo knefel). Ale zaś styknie kliknóńć tyn, czy inkszy laptopowy knefel i już żeście sóm po czeskij strónie internetu. Czeskigo jynzyka nauczyć sie idzie roz-dwa i potym już możecie paczeć, suchać, koukat, sledovat, a poslouchat wiela ino wlezie :)

Jo w ogóle dzisioj cosik tak trocha na połednie, bo na Wiara.pl tyż do posuchanio wciepoł żech świónteczny już klip Słowoka Miro Žbirki. Jego piosynka mocie tukej, a terozki kuknijcie sie już na to: