Dzisioj news i klip.

Jak wto jes ze Szczecina, łokolic, abo mo sie chyńć tam pojechać, to warto łobejrzeć wystawa, kiero łod pióntku bydzie w prezyntowano
w Tyatrze Lalek "Pleciuga".

Nazywo sie łóna "Morskie łopowieści" i zbiyro dzieła 79 ilustratorów z krajów nadbałtyckich.

Syryny, pingwiny, małe stworoczki, kiere miyszkajóm na tropikalnyj wyspie, a nawet sóm barón Münchhausen sie tam pokożóm.

Szczegóły mocie tukej, a terozki czas na łobiecany w zajawce klip.

***

Downo żech niy suchoł grupy Wir Sind Helden. Ani żech niy wiedzioł, że sie rozlecieli (abo, jak sie to dyplómatycznie godo "zawiesili działalnoś"). Grupa już razym niy gro, ale ich wokalistka, Judith Holofernes, wydo niydugo solowo płyta.

Jednym z teledysków, promójóncych album jes "Ein leichtes Schwert". Sie łobejrzyjcie, co ta Judith w nim pocho. Z jakij bojki sie urwała i co robi w XXI wieku? :)

Sóm pómys na videoklip kapitalny. Prosty, a przi łokazji kryncóny tak, żeby my mieli wrażynie, że na prowdziwym kóniu siedzi. Udane!