Bo i jak sie przi czym takim niy hehnóńć? :)

Islandzki sónd wydoł wyrok: drógi niy bydzie, bo mógłaby szterować elfy. Łosiymdziesiónt procynt ludzi z Islandie w nie wierzy.

A niy ino w nie, bo majóm tam jeszcze roztómajte stworoczki z bojek - miyndzy inkszymi trolle, gnómy i nykury. Szczegóły tukej

***

Tela korespóndyncje z Islandie, a terozki czas na... Praha! :)

Co żech tam jes, to łodwiedzóm Palác Koruna (raj dlo sznupióncych za płytami CD i DVD!). Ale w tym palácu, kiery jest tak naprowdym dómym towarowym, jes coś jeszcze: mój ulubióny świynty Jorg, robióncy tam za dekoracja.

Jego autor to Yuri Gorbachev (sioszczyniec słynnego polityka, Michaiła), kiery szpecjalizuje sie w kolorowyj, inspirowanj ludowościóm, sztuce.

Jorga widzicie kole tekstu, a skopiowoł żech go z łoficjalnyj stróny Gorbacheva. Kliknijcie sie sam i łobejrzyjcie inksze jego dzieła.

Mie sie to podobo - malowane bojki, pra?