Wto by pómyśloł, że biblijno historia ło królowyj Esterze pódzie przerobić na bojka dlo dzieci.

A do sie! Niy wierzycie? No to sie łobejrzyjcie nowo kniga Vocatio, kiero naszkryflały Mónika Kustra i Magda Bloch.

Nidowno pisoł żech na Wiara.pl ło Esterze, przi łokazji filmu Raffaele Mertesa, kiery mielimy do rozlosowanio. Recynzjo tyj ekranizacji znojdziecie tukej, ale musza sie Wóm prziznać, że jak żech na tyn film paczoł, to bych na to niy wpod, że szłoby te zdarzynia ujóńć we forma 32-strónnicowyj bojki dlo dziołszek.

Naprowdy, gratuluja autorkóm szprytnego pómysłu. Czytoł żech ich "Estera" piyńcioletnij sioszczynicy i tak jak jóm przeważnie suchanie bojek szteruje (woli lalkowy tyjater, abo gierki ón-line), tak tyj bojki suchała ze zapartym tchym. Sóm żech był w szoku... :)

Przi łokazji musza tyż pochwolić Vocatio za jeszcze jedna kniga dlo bajtli. Nazywo sie "Cudowno przemiana" i jes to polsko łodpowiedź na "Łopowieści z Narnie", ino że napisano w kónwyncji klasycznyj bojki zwierzyncyj.

I ło "Esterze" i ło "Cudownyj przemianie" pisza dzisioj na naszym serwisie www.biblia.wiara.pl bezto nojlepij kliknijcie sie sam i (już po polsku) przeczytejcie sie co i jak.

Polecóm tyż tekst ło zwiónzanym z Esteróm świyńcie Purim, ło kierym godo sie, że to trocha taki żydowski karnawał i ulubióne świynto ichniyjszych bajtli. Artykuł znojdziecie tukej