Niydowno we wypożyczalni widzioł żech na nowośœciach film "Czarownik i bioły wónż". Karate-kino z Jetym Li to niy jes moja bojka, ale że tyn film to właśœnie bojka, bezto żech sie go wziół i łobejrzoł. A terozki polecóm...

 

Jet "Rómeo musi umrić" Li gro sam buddyjskiego mnicha, kiery chyto demóny. A że te pierzińskie gizdy durch kajśœ wyłażóm i gnymbióm i szterujóm ludzi, to tyż nasz bohatyr mo z nimi roboty, a roboty... Cołkie szczyńśœcie, że zno karate, czy inksze, azjatyckie sztile walki. Łón sie do rady, a i wielbiciele "kina kopanego" majóm sam na co popaczeć.

 

Ale przeca w tym filmie niy ino sie pieróm. Pedziołbych, że to nawet bardzij rómans: historia demónicznyj wynżólki Susu, kiero przibrała ludzko postać, bo zakochała sie w śœmiyrtelnym lykorzu Xiu Xianie. 

 

Wynżólka (bo jak na nia inaczyj pedzieć?) pośœwiynco sie dó niego. Łoddowo mu swoja energia, bezco sama zesłabnie, a i narażo sie na to, że jyj łobecnośœ łodkryje grany przez Leta Li mnich, abo - niy dej Buddo - jako inkszo lodowo heksa.

 

Możecie sie sam popaczeć na chiński folklor, wierzynia, Festiwal Latarni, ŚŒwiynto Smoczych Łodzi. Możecie posuchać ło tym, że jak sie kómu pómogo, to niy traci sie czasu; że cza medytować i dónżyć do poprawy, nawrócynio... - wszysko piykne idee, kiere i w chrześœcijaństwie przeca mómy.

 

Na ekranie łobejrzycie tyż wielki potop i walka bohatyra w brzuchu morskigo wynża (Noe i Jónasz sie kłaniajóm), ale to przeca wóntki kiere chyba we wszyskich kulturach i religiach œświata wystympujóm.

 

Terozki pojawiły sie we filmie, kiery w Polsce dystrybuuje Kino ŒŚwiat, i - jak żech już naszkryfloł - polecóm go. Jo żech sie bawił (abo, jakby napisoł œświyntyj pamiyńci Kałużyński) "ja się bawiłem" :)