Jo niy. Ale sie ucza. Nojwyższy czas, pra? :)

Wszysko dzinki nowyj knidze wydanyj przez Wilga, kiero nazywo sie "501 trików. Mistrz Rysunku".

Niy wiym, czy po jij przerobiyniu z małóm łostanymy majstrami rysowanio, ale pora trików żech już z nij podpaczoł i bawi mie to. I nawet mi to idzie.

Łokrynty, auciska, samoloty... - pokozane jes jak i łóne namalować, no ale że to Bojkoblog, to nojwiyncyj uciechy móm z trików, dziynki kierym moga roz-dwa elegancko namalować typowe postacie z bojek: heksy, diobły, czy wojoki.

Kniga jes fajno, ale tyż fajnie kosztuje. Prawie sześdziesiónt złoty. Bezto, jak wto niy mo, może sie kliknóńć tukej

Jes to youtube'owy kanał Fun2draw na kierym mocie pokozane, jak namalować roztómajte gymby, koty, dziołszki i inksze chopki i rzecy, kiere mogóm sie Wóm przidać, przi ukłodaniu, wymyślaniu, abo ilustrowaniu własnych bojek.

Na zachynta propónuja hazoka, kierego znojdziecie sam