Chocioż łostatnimi czasy durch siedza raczyj w czeskich bojkach-pohadkach, to dzisioj musza pochwolić tyż Poloków.

Buchmann wydoł niydowno kniga "Baśnie polskie", kiero naprowdy warto polecić, bezto zachyncóm do jyj lektury, a wiyncyj łó nij możecie sie przeczytać w moij recynzji, kiero przed chwilóm żech wciepoł do neta. Na Wiara.pl znojdziecie jóm tukej

Mie cieszy fakt, że sóm tam tyż teksty ślónskich autorów - Morcinka i Lómpy. Ło tym drugim pisoł u nos kiedyś Marek Szołtysek. Nazwoł go nawet ślónskim Sokratesym. Czymu? A to już sie musicie doczytać sami w tekście Szołtyska. Link do niego mocie sam

***

Mómy tyż dzisioj na portalu recynzja i galeria ze sztuki tyatralnyj "Piotruś i Wilk", kiero jes bojkóm muzycznóm Syrgiusza Prokofiywa, co Bojkoblog łodnotowuje i tyż zachynco do zerkniyńcio. Styknie kliknóńć tukej