Synsacja!

dodane 11:41

Kómedia neo-retro-noir, kiero... tyż jes bojkóm.

Niydowno pisoł żech Wóm (tukej) ło tym, że w sumie westerny to nic inkszego ja bojki. Te same schymaty, podobne bohatyry, ino że zamias rycyrzów z mieczami mómy kowbojów z pistółlami, a zamias ksiynżniczek - pjykne squaw :)

Niy inaczyj jes we filmach synsacyjnych (takich na przikłod z gatunku noir), kaj zaś ksiyńcia/szewczyka/rycyrza zastympuje prywatny detektyw, a zamias princessy mómy tajymniczo femme fatale. 

Akurat dzisioj mo swojo prymiera na Cineman.pl film "Nice Guys. Równie goście". I jak żech sie go tak paczoł, to durch cosik mi klimaty z bojek przipóminało, chocioż fabuła łosadzóno jes w lotach '70 i bowi sie kliszami spómnianego już tukej noir.

Dziołchy niy porywo sam smok ani czornoksiynżnik, a alfóns, gangster abo inkszy pierón, co to by chcioł za nia dostać łokup.

Los Angeles abo Nowy Jork tyż pokozywane sóm we filmach choby to były kajś za siydmióma górami, za siydmióma rzykami (pamjyntocie chałpa Carringtónów z "Dynastie"? Niy była to przipadkiym nowo wersjo królewskigo pałacu, w kierym kożdy czowiek PRL-u chciołby mjyszkać?).

Tak to jes. Tak jak klasyczne bojki Grimmów jakoś tam spyłniajóm abo rozbudzajóm marzynia bajtlów, tak potym filmy fabularne z roztómajtych gatunków robióm to samo widzóm dorosłym. Niy przipadkiym przeca godo sie na Hollywood "fabryka snów".

W "Nice Guys. Równe goście" bohatyrka durch kaś musi citać, przed kimś sie chować, co łod razu przipómino losy Śniyżki. Ha! We filmie jes nawet zło matka (szkoda, że niy macocha), kiero może i niy biere sie za czary, ale za to jes z nij skorumpowano motyka. Tako, co to zrobi wszysko, żeby ino pokrziżować plany naszym dzielnym rycyrzzzzzzz... Nazot! Detektywóm :) i swoij własnyj cerze. 

A na jednego z tych najs-gajsów (granego przez Ryan'a Gosslinga) to wtoś ciepnół kiedysi nawet klóntwa. No, może niy dosłownie, ale widzicie, mo łón na ryce tatuaż, na kierym pisze "Nigdy niy bydziesz szczyńśliwy". I pod kóniec filmu te wiszónce nad nim fatum sie straci! Jak?

A to to sie już sie musicie łobejrzeć sami. 

Może film jes trocha z kategorie tych "po bandzie" i niy do kożdego widza, ale mie sie akurat taki pofyrtany humor podobo i bezto go polecóm. 

Yeah! :)

nd pn wt śr cz pt sb

25

26

27

28

29

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

1

2

3

4

5

6

Dzisiaj: 28.03.2024