W Egmóntowych zapowiedziach. A za pora miesiyncy na ksiyngarskich półkach.

Pisoł żech Wóm niydowno (tukej) ło Lilu i Pucie, kierzy pojawili sie u nos po tym, jak wydownictwo Egmónt wymyśliło sie, coby zrobić kónkurs na kómiks dlo bajtlów.

Dobro wiadómoś! Niydugo poznómy kolejnych, nowych, kómiksowych bohatyrów, bo egmónciorze łogłosiły lauratów drugij edycje ich kónkursu. Jo chyba nojbardzij czekóm tym razym na tómik „Wyprawa do magicznyj krainy” Maciej Jasińskiego i Krzisztofa Trystuła.

Już sóm tytuł brzmi fajniście, a jak sie wczytuja w notka ło tyj publikacje, to w ogóle móm jazda. Ksiynżniczka Klara, krasnolud Nap, Lord Dartor, zómki, przigody i roztómajte czary-mary...

Plansze z tego kómiksu tyż wyglóndajóm tak jak majóm. Takie trocha skrziżowanie kryski Christy i Szarloty Pawel. No dó mie bómba!

Wjyncyj ło inkszych lauryatach egmóntowego kónkursu poczytocie sie sam, a niżyj mocie video - na tyn sóm tymat: