Ruskie, czeskie, chorwackie?

dodane 12:47

Jakie bojki byda paczoł i czytoł w tym roku?

Wto by to pómyśloł, że póda w takie klimaty. Nale jak sie mo za patrónów Cyryla i Metodego, inaczyj byc niy może. Słowiańskie jynzyki sie szlifuje, słowiańskie fimy paczy (łostatnio ruskie, z RTR Planeta), to i w słowiańskie bojki cza iś.

Ciykawy żech jes na przikłod Dziadka Mroza (pónoć to niy tyla Mikołoj, co cornoksiynżnik z downych, pogańskich wierzyń). No to widzicie, zaś mómy sam cosik, co łónczy nóm bojki z mitami. Uświadómio, że niy sóm ino prote historki dlo bajtlów. Że jes w nich coś wjyncyj.

To samo "Nejlepší přítel", abo "Čertoviny" - dwie czeskie bojki (pohadki), kiere niydugo móm dostać pocztóm z Czech. To tyż ciykawe, że my sóm niby takie religijne, a Czechy ateisty, ale to łóni durch kryncóm bójki ło aniołach i diobłach, a u nos ta tymatyka biblijo-ludowo, tak po prowdzie, niy istnieje.

A Chorwaty? Czy jo czytoł kiedy jako ich bojka? Może ja... Może w jaki antologii bojek z cołkigo świata... Ale niy pamjyntóm. 

Pamjyntóm za to, że mielimy na Wiara.pl tekst "Głagolicóm pisane", ło misji Cyryla i Metodego w Chorwacji. Tukej sie go możecie przipómnieć, a jo w tym nowym roce (abo roku) życa Wóm, cobyście tyż, roz za kiedy, jako bojka sie przeczytali, przipómnieli i poczuli, jak to downo, downo tymu samymu było sie bajtlym :)

A na zdjyńciu (autorka: AGNIESZKA MAŁECKA / FOTO GOŚĆ), dwa śwjynte chopy z lyńdzińskiego Klimónta. Cyryl i Metody. 

A ło Klimóncie poczytocie sie wjyncyj tukej

nd pn wt śr cz pt sb

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

1

2

3

4

5

6

7

8

9

10

11

Dzisiaj: 07.12.2019