Ciepło, urokliwo, szykowno, so schön...

Piotr Drzyzga

dodane 2017-08-01 08:33

Chyba to sóm te słowa, kiere nojlepij pasujóm do knigi "W Jeżynowym Grodzie".

Jyj bohatyrami sóm myszy. A precyzyjnij: myszki. Fajniste, sympatyczne - takie z kierymi samymu chciałoby sie poharcować i pobuszować po roztómajtych kómórkach i spiżarniach, a przi tym pómaszkycić jagodowyj leguminy, ciasteczek pierwiosnkowych, chłódnika z rzeżuchy abo tyju z liściów jeżyn.    

Jill Barklem - autorka tyj publikacje - godo, że Jeżynowy Gród to jyj idealny świot. Myszki żyjóm sam w zgodzie z naturóm, a przi tym wykorzystujóm i cynióm sie wszisko, co rośnie kole nich. A nojważniyjsze że sie przajóm, kochajóm i łopiekujóm sie jedna drugóm. 

W sumie jest to tako jedna, wielko idylka, ale przeca kożdy z nos tego czasym poczebuje. Ućyc do krainy, w kieryj jes pjyknie, baśniowo, idyalnie i bez trosk (dyć i Fryderyk Wielgi mioł te swoje Sanssouci).

Wjynkszoś z nos sie takigo pałacu, jak łón niy postawi, ale starcić sie w lekturze mogymy przeca zawsze, pra? A "W Jeżynowym Grodzie" nadowo sie do tego perfektnie. 

Pikniki, przyjyńcia, bale, wycieczki... A wszyskie łóne cudnie i szczegółowo (co do nojmniyjszego detaliczku!) zilustrowane przez sama autorka.

No niy do sie tóm knigóm niy zachwycić. Tako jes pjykno!

*

Miołek do Wos jedyn jyj ygzymplorz, ufundowany przez wydownictwo Znak. Zadanie kónkursowe bóło takie: cza mi było napisać, jako jes Waszo ulubióno mysz z bojki. Za wszyskie maile wielkie dziynki, a kniga dostowo:

Mónika Włoskowsko z Warszawy

Gratuja. A nagroda wyglóndo tak:

 

N P W Ś C P S
20 21 22 23 24 25 26
27 28 29 30 31 1 2
3 4 6 7 8 9
10 11 12 13 14 15 16
17 18 19 20 21 22 23
24 25 26 27 28 1 2
Dzisiaj: 18.02.2019