Mysio bojka

dodane 10:02

I to łod samego Bónda!

Ale niy tego 007 Jamesa Bónda, ino łod Michael'a. Chopa, kiery stworzył misia Paddingtóna.

Ja, Michael Bónd to jedyn z nojbardzij znanych dzisioj twórców knig dlo bajtlów. Bestóż ciekawy żech bół, co tyż to za nowo jego bojka wydoł łostatnio ZNAK. 

Już pjyrszy kótnakt z BOJKÓM ŁO MYSIJ RODZINIE mie przekwapił. Bo tyż wyglóndo łóna tak trocha jak album. Twardo łokładka, wielgi format, pjykne ilustracje i malunki... No musza Wóm pedzieć, że tekst Bónda nadowo sie tak na jedne czytanie (nijlepij dziecku przed snym), ale za to te rusunki to idzie paczeć, paczeć i podziwiać,  i wiela razy byście sie na nie niy gafcyli, to za kożdym razy znojdziecie cosik nowego i gryfnego.

Ich autorkóm jes Emily Sutton i jak to sie u nos godo: sóm łóne naprowdy szykowne i so schön. Downo żech takich urokliwych malunków niy widzioł. Te wszyskie angielskie łogrody, pupynsztuby, spiżarnie... Very english to wszysko jes. Takie "Downtown Abbey" ino, że z ikszyj (mysij) perspektywy :)

Dziecka śledzónc przigdy mysij familii i sie pochicharajóm, i trocha poszterujóm (bo pora razy nasze małe bohatyry bydóm miały niy małe problymy). No ale jak to dycki w bojkach bywo, wszysko skóńczy sie dobrze i wszyscy bydóm... spać. Dugo i szczyńśliwie.

*

Miołek do Wos mini-kónkurs, w kierym szło wygrać jedyn ygzymplorz BOJKI ŁO MYSIJ RODZINIE. Nagroda dostowo:

Karolina Korzyniowsko ze Sopotu

Gratuluja, jeszcze dzisioj kniga pódzie do wysyłki. I to niy sama. Bo cosik dó nij tyż jeszcze dociepna. 

nd pn wt śr cz pt sb

26

27

28

29

30

31

1

2

3

4

5

6

7

8

9

10

11

12

13

14

15

16

18

19

20

21

22

23

24

25

26

27

28

29

30

1

2

3

4

5

6

Dzisiaj: 24.06.2019

Polecam

Bądź na bieżąco