Bojka Ala Pacino

Piotr Drzyzga

dodane 2016-06-02 06:14

Puści sie czowiek SERPICO - taki richtig gyszpan film ło korupcji w policji z samym Alym Pacino w roli głównyj - a tam co? Bojka...

No ja. Jes tam tako scyna w kieryj libsta Ala Pacino (kiery jako jedyny niy dowo sie skorumpować), godo mu ło królestwie, w kierym pokozała sie heksa i zatruła studnia, z kieryj wszyskie poddane duldały woda. Ino król z nij niy pił. No i stało sie: wszyskie ludzie łogupiały i ino król niy dostoł do gowy.

Ale-ale. Gupieloki dały sie do grómady i zaczyły fulać, że to król łogupioł. I że czeba go zabić.

No to w nocy król poszoł do studni i sie z nij napił. I rano wszyscy byli już szczyńśliwi, bo ich mónarcha łodzyskoł rozum. Znaczy sie zgupioł, jak łóni.

- I think you're trying to tell me somethin'... - pado Pacino po usłyszyniu tyj historii.

A sóm film? Perła kina. I pópisowo rola Pacina. Jedyn z tych filmów, co to kóniecznie musza łopisać w cyklu ło arcydziełach wszech czasów.

 

N P W Ś C P S
20 21 22 23 24 25 26
27 28 29 30 31 1 2
3 4 6 7 8 9
10 11 12 13 14 15 16
17 18 19 20 21 22 23
24 25 26 27 28 1 2
Dzisiaj: 19.02.2019