Sarah. Ksiynżniczka

dodane 08:10

Jak żech ino uwidzioł ta kniga w ksiyngarni, zarozki żech wiedzioł, że musza to małyj kupić.

"Sarah. Ksiynżniczka" to tako współczesno, fajniście zilustrowano biblijka do dziołszek. 

Przeglóndo sie to z wielkóm przijymnościóm. Tukej trocha kómiksu, sam śmjyszne łowce abo wielbłóndy, trocha dalij istno rewia antycznyj mody z biblijnóm Saróm w roli modelki.

Możecie sie jóm nawet powycinać i połoblykać w roztómajte kiecki i szczewiki, abo uwarzyć co w kuchni (pod kóniec jes prosty przepis na podpłómyki na przikłod).

Trocha gorzij jes, jak sie w to wczytać. Uświadamiómy sie wtedy, że znano nóm ze Starego Tystamyntu historio ło Sarze i Abrahamie aż tako zaś milusio i fajniusio niy jes. Że cytaty z Pisma Śwjyntego, abo problymy z kierymi zmagoł sie biblijny czowiek, to niy jes coś, co zrozumi dzisiyjszy bajtel.

"Wstawjynnictwo anioła zapisało sie w syrcu i prziszłości Izaaka"? No jak jo móm 7-letnij sioszczynicy wyjaśnić takie zdanie? A niystety co chwila taki, abo podobny tekst, w ksiónżeczce Antónelli Anghinoni "leci". 

Jo móm z tyj publikacje wielko uciecha, a mało? Może za pora lot to wszysko bydzie umiała pochopić. Terozki to raczyj czeba ji tak "po łobrozkach" jechać. - Tak te ludzie łopisane w Bibli żyły, to sioli i hodowali, w to sie łoblykali. Tak wyglóndoł faraón, a tak karawana, pustynia...

Poleku poleku i może co z tego bydzie. Dyć jo tyż jak żech mioł pora lot, średnio żech te wszyskie problymy biblijnyh bohatyrów rozumioł, a mimo to paczoł żech na roztómajte biblijne bojki, co wtedy Hanna-Barbera czaskała. I jakoś to sie wy mie łostało. I dziosioj durch w tym tymacie siedza.

Co kaj jaki nowy film biblijny abo kniga widza, to zarozki myśla, czy niy kupić, niy zamówić do recynzje, kónkursu na Wiara.pl niy zrobić. Terozki akurat toczy sie na poratlu mini-kónkurs w kierym idzie wygrać dokumyntalne DVD ło śwjyntym Pawle. Beztóż zachyncóm do branio udziału!

Link do niego mocie tukej

nd pn wt śr cz pt sb

25

26

27

28

29

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

1

2

3

4

5

6

Dzisiaj: 29.03.2024