Łod dzisiej w kinach nowo bojka Disneya. Dioboliczno?

Jedni, jak ino słyszóm Disney, zarozki ciepióm sie, że to kicz. Jo bych tak niy pedzioł...

Wedug mie Disney to trocha taki czeci brat Grimm, kiery piyknie kóntynuuje bojkotwórczo tradycjo. Beztoż jak ino na ekranach pojawio sie jakie nowe dzieło tyj wytwórnie, dowóm na nie pozor i pryndzyj, czy potym, na nie pacza.

Czy póda na "Czarownica" z Angelinóm Jolie do kina? Niy wiym. Jak mie kopnie, to ja. A jak niy, to poczekóm, aż to bydzie na DiViDiczku.

Póki co wciepuja Wóm sam zwiastun.

Dioboliczny? Trocha ja, ale dyć po takim kóncku, billboardach abo plakatach, niy byda sóndził cołkigo filmu. Cza go nojprzód łobejrzeć!

Ino kiedy?! No, to jes pytanie... :)