Zawsze lubiłek Caspara Davida Friedricha. Te jego rómantyczne łodlódki, samotniki - robiło to na mie wrażynie...

Wczoraj wysznupoł żech na necie łobroz, kiery widzicie póniżyj.

Tyż jes w nim coś fridrichowskigo, chocioż inspiracjóm były sam niy niymieckie pyjzaże, a ruskie bojki i mity.

 

Malyrz, kiery stworzył te dzieło to Wiktor Wasniecow.

Pokozoł carywicza Iwana, śmigajóncego na furgajóncym tepichu.

To znany bohatyr ruskich bojek, bezto jak ino mocie chyńć i czas, posznupejcie sie za jakim zbiorym ruskich baśni i pewnie znojdziecie w nim teksty ło Iwanie.

Na tako mało zachynta propónuja pocztowo ciekawostka - m.in. tyż z Iwanym. Kliknijcie sie tukej

No, a jak żech w ogóle najechoł na tyn łobroz na necie? A, bo żech sznupoł coś za grupóm Inspiral Carpets i wyszukiwarka (wysznupywarka?) pokozała mi tyż i carpet (po angielsku tepich) Wasniecowa. 

A tych Carpetsów tyż Wóm wciepna. Czymu niy... Posuchejcie sie, co mi terozki w duszy gro :)